2024 ОНЫ 07 ДУГААР САРЫН ДУНД АРАВ ХОНОГИЙН ТОЙМ

2024 ОНЫ 07 ДУГААР САРЫН ДУНД АРАВ ХОНОГИЙН ТОЙМ

            Агаарын дундаж температур Өндөрхангай, Малчин, Баруунтуруун, Өмнөговь, Зүүнхангай, Цагаанхайрхан сумдын нутгаар 17.5-20.0 градус,  бусад нутагт 20.5-25.0 градус дулаан  буюу олон жилийн дундажтай харьцуулбал Малчин, Тэс, Давст сумдын нутгаар орчим, бусад нутгаар 1-3 градуссаар дулаан байна.

            Агаарын температурын хамгийн их Завхан, Улаангом, Тэс, Наранбулаг, Зүүнговь, Ховд сумдын нутагт 32-35градус хүрч 2-6 өдөр, Малчин, Баруунтуруун, Өмнөговь, Давст, Өлгий, Сагилд  30-31 градус хүрч 1өдөр халсан, бусад нутагт 27-29 градус дулаан байсан.

Агаарын хамгийн бага температур Өндөрхангай, Зүүнхангай, Цагаанхайрханд 6-9градус, бусад нутгаар 10-15 градус дулаан байлаа.

            Хөрсний гадаргын дундаж температур Наранбулаг, Тэс, Завхан,  Зүүнговь, Давст, Бөхмөрөн, Сагил  сумдын нутгаар 30-33 градус, бусад нутгаар 24-29градус дулаан байсан.

Хөрсний гадаргын хамгийн их температур Наранбулаг, Тэсд 64градус, Түргэнд 62градус, Өндөрхангай, Ховд, Зүүнговьд 60градус,  бусад сумдын нутгаар 50-59градус дулаан байлаа.

Хөрсний гадаргын хамгийн бага температур Зүүнхангай, Өндөрхангай, Малчин, Өмнөговь, Сагил, Хяргас, Цагаанхайрханд 4-9градус, бусад нутгаар 10-14 градус дулаан байлаа.

            Хур тунадас  Цагаанхайрханд 19.2мм, Баруунтуруунд 17.2мм, Зүүнговьд 16.4мм, Тэсд 12.7мм,  Давст, Хяргасд 9.0мм, Малчинд 7.6мм, Өмнөговь, Завхан, Бөхмөрөн, Зүүнхангай, Түргэнд 4.3-6.6мм бусад сумдын нутгаар 0.0-2.7мм тунадас 1-6 өдөр орсон, Орсон хур тунадасны хэмжээг ОЖД-тай харьцуулбал Малчинд орчим, Баруунтуруун, Зүүнговь, Цагаанхайрханд ахиу бусад нутгаар бага тунадас унажээ.

Салхины хурд түр зуур Өндөрхангай,Наранбулаг, Улаангом, Баруунтуруун, Өмнөговь, Завханд 16-18 м/с буюу аюултай үзэгдлийн хэмжээнд,  Малчин, Бөхмөрөн, Сагил, Түргэн, Ховд, Тэс, Өлгий, Хяргас сумдын нутгаар 10-14м/с хүрч салхилсан. Бусад сумдын нутгаар салхи тогтуун байлаа.

Ургамлын мэдээ.Увс аймгийн нийт нутгаар бэлчээрийн ургамлын ажиглалтын талбайд ургамал ихэнх нутгаар толгойлолт /залаалат,түрүүлэлт, бундуйжилт/, цэцэглэлт жигдэрсэн,  зарим суманд үрийн боловсролт ажиглагдаж эхэлсэн байна.

Ургамлын ургалтын байдал. Бэлчээрийн ургамлын ургалтын байдал 7 дугаар сарын 20 ны байдлаар Увс аймгийн нийт нутгийн 60 орчим хувьд буюу Малчин, Баруунтуруун, Давст, Зүүнговь,  Өмнөговь, Тэс , Өлгий, Бөхмөрөн сумдын  нийт нутгаар Өндөрхангай, Ховд, Цагаанхайрхан, Хяргас, Наранбулаг сумдын зарим нутгаар хэвийн буюу сайн, 40орчим хувьд буюу бусад нутгаар дунд үнэлгээтэй гарсан байна.