2023 ОНЫ АРВАН ХОЁРДУГААР САРЫН ЭХНИЙ АРАВ ХОНОГИЙН ЦАГ АГААРЫН НӨХЦӨЛИЙН ТОЙМ

Агаарын температур (Air temperature): Өнгөрөгч арав хоногт агаарын дундаж нийт сумдаар 13-18 градус хүйтэн буюу олон жилийн дундажтай харьцуулбал нийт нутгаар 1-5 градус дулаан байлаа. Агаарын хамгийн их температур Наранбулаг, Ховд, Өмнөговь, Завхан, Зүүнхангай, Өлгий, Цагаанхайрхан сумуудын нутгаар өдөртөө 1-6 градус дулаан,  Өндөрхангай, Улаангом, Түргэн, Хяргас сумуудын нутгаар 1-6 градус, бусад сумуудын нутгаар 7-8 градус хүйтэн. Агаарын хамгийн бага температур шөнөдөө Өндөрхангай, Наранбулаг, Ховд, Өмнөговь, Завхан, Өлгий, Түргэн, Хяргас сумуудын нутгаар 22-27 градус, бусад нутгаар 29-34 градус хүйтэн байлаа.

Хөрсний гадаргын температур (Soil temperature): Нийт нутгаар хөрсний гадаргын дундаж температур 13-18 градус хүйтэн байсан. Хамгийн их температур өдөртөө ховд, Өмнөговь сумдын нутгаар 6-10 градус, Малчин, Өлгий, Цагаанхайрхан сумын нутгаар 0-5градус дулаан, бусад сумын нутгаар 1-6 градус хүйтэн. Хамгийн бага температур шөнөдөө Өндөрхангай, Наранбулаг, Ховд, Завхан, Өлгий, Түргэн, Хяргас, Цагаанхайрхан сумуудын нутгаар 25-30 градус хүйтэн, бусад нутгаар 31-36 градус хүйтэн байлаа.

Хур тунадас (Precipitаtion): Энэ арав хоногт нийт сумуудын нутгаар цас орсон 0.0-5.7мм тунадастай. Хур тунадасны хэмжээг ОЖД-тай харьцуулбал Малчин, Тэс, Улаангом, Баруунтуруун, Давст, Зүүнговь, Зүүнхангай, Цагаанхайрхан сумуудын нутгаар дунджаас ахиу, Түргэн сумын нутгаар дунджийн орчим, бусад нутгаар дунджаас бага хур тунадас орсон байна.

Цасан бүрхүүл (Snow): 12 дүгээр сарын 10-ны байдлаар нийт нутгийн 90 хувьд цасан бүрхүүл тогтсон. Цасны дундаж зузаан Өндөрхангай, Малчин, Тэс, Улаангом, Баруунтуруун, Давст, Зүүнговь, Сагил, Түргэн, Хяргас, Тариалан сумуудын нутгаар 10-37 см, бусад сумуудын нутгаар 0-6см, гуу, жалга, хунгарласан газартаа 25-60см зузаан цасан бүрхүүл тогтсон. Цасны дундаж нягт 0,6-0,33г/см³ байна.

Салхи (Wind): Салхины дундаж хурд 5-9 м/c хамгийн их хурд Өндөрхангай, Наранбулаг, Ховд, Улаангом, Баруунтуруун, Өмнөговь, Завхан, Давст, Зүүнхангай, Өлгий, Түргэн, Хяргас, Цагаанхайрхан сумуудын нутгаар секундэд 12-25м хүрч цасан шуурга шуурсан байна.

Тойм мэдээ бичсэн: ХААЦУ-ын технологич инженер Ж. Цагаанхүү

2023.12.12