Цаг уурын мэдээ > Хөдөө аж ахуйн цаг уурын тойм

2024 ОНЫ 01 ДҮГЭЭР САРЫН ДУНД АРАВ ХОНОГИЙН ЦАГ АГААРЫН НӨХЦӨЛИЙН ТОЙМ

Шинэчлэгдсэн: 2024-03-10 13:50:38

Агаарын температурын арав хоногийн дундаж Малчин, Тэс, Улаангом, Баруунтуруун, Давст, Зүүнговь, Сагил, Түргэн, Тариалан сумдын нутгаар 21.0-31.0 градус бусад нутагт 14.0-20.0 градус хүйтэн  буюу олон жилийн дундажтай харьцуулбал  нийт нутагт дунджаас 2.0-11.0 градус дулаан байлаа.

            Агаарын температур өдөртөө уулархаг нутаг болон Увс нуурийн хөндийгөөр 9-21градус бусад нутгагт 3градус дулаанаас 4 градус хүйтэн,  шөнөдөө уулархаг нутаг болон Увс нуурийн хөндийгөөр 35-43 градус  хүйтэн, бусад нутгаар 26-32градус хүйтэн байв.

            Хөрсний гадаргын температур өдөртөө  Хархираа, Ханхөхий Түргэний уулс, Увс нуурын, тэсийн голийн хөндий болон уулархаг нутгаар 5-15 градус хүйтэн, их нууруудын хотгорын өмнөд  баруун хэсгээр 7градус дулаанаас 4градус хүйтэн, шөнөдөө Их нууруудын хотгорын хойд, Ханхөхийн нурууны хойд талын голын хөндий, хонхор нутагт 38-45 градус  бусад нутагт 28-32 градус хүйтэн байлаа.

            Хур тунадас Ховд, Тэс, Улаангом, Баруунтуруун, Өмнөговь, Зүүнговь, Зүүнхангай, Сагил, Түргэн, Хяргас, Цагаанхайрхан сумдын нутгаар 0.0-6.1мм тунадас орсон, бусад нутгаар тунадас ороогүй,  Орсон хур тунадасны хэмжээг олон жилийн дундажтай харьцуулбал Зүүнхангай, Сагил, Түргэн сумдын нутгаар дунджаас ахиу бусад нутгаар дунджаас бага орсон.

Салхины хурд тал хээр, говийн нутгаар түр зуур 16-24 м/с буюу аюултай үзэгдлийн хэмжээнд салхилсан байна.

            Арав хоногт нэг удаа хийдэг хээрийн цасны хэмжилтийн мэдээгээр 01 дүгээр сарын 20-ны байдлаар нийт нутгийн 90 гаруй хувьд цастай байгаагаас  цасны дундаж зузаан Хан Хөхий, Хархираа Түргэний уулс, Малчин, Тэс, Улаангом, Баруунтуруун, Давст, Зүүнговь, Сагил, Түргэн, Хяргас, Тариалан сумуудын нутгаар 20-38см, Цагаанхайрхан сумын хойд талаар болон Өндөрхангай, Наранбулаг,  сумдын нутгаар 7-10см бусад сумуудын нутгаар 1-5см, гуу, жалга, хунгарлаж шуурсан газартаа нутгийн хойд болон зүүн хэсгээр 35-80см зузаан цастай. Цасны дундаж нягт 0,08-0,33г/см3 байна.

Засгийн газрын 286 дугаар тогтоолын дагуу зудын байдалд үнэлгээ хийхэд  Баруунтуруун, Зүүнговь, Сагил, Малчин, Түргэн, Хяргас, Улаангом, Давст, Тэс, Цагаанхайрхан суманд зузаан цастайн улмаас цагаан зудын, Өндөрхангай, Наранбулаг суманд цасны нягт 0.35-0.63г/см3 хүрч төмөр буюу шилэн зудын нөхцөл бүрдсэн байдалтай байна.

 

           .

Цаг агаарын нөхцөлийн онцлог

  • Энэ арав хоногт агаарын температур нийт нутгаар олон жилийн дунджаас 2.0-11.0градусаар дулаан байна.
  • МАА-н үйлдвэрлэлд мал оторлуулах, нэмэгдэл тэжээл өгөх ажил хийгдэж байна. Нийт 8 гаруй суманд малын бэлчээрлэлт 9-10 хоног  хүндэрсэн мэдээтэй байна./ Ховд, Баруунтуруун, Давст, Зүүнговь, Сагил, Түргэн, Хяргас, Цагаанхайрхан/

 

Тойм бичсэн: ХААЦУ-ын салбар харицсан технологич                          инженер Ж. Цагаанхүү