УВС АЙМГИЙН 2024-2025 ОНЫ ӨВӨЛ-ХАВРЫН БЭЛЧЭЭРИЙН ДААЦ

УВС АЙМГИЙН 2024-2025 ОНЫ ӨВӨЛ-ХАВРЫН БЭЛЧЭЭРИЙН ДААЦ

Аймгийн хэмжээгээр авч үзвэл: Зуншлагын байдлыг 10 хоног тутамд үнэлж зурагласан мэдээгээр 8 дугаар сарын 20-ны байдлаар нийт нутгийн 60 гаруй хувьд зуншлага хэвийн сайн, 40 орчим хувьд дунд зэрэг буюу гандуу байсан  ().

Бэлчээрийн даацыг тооцоолж гаргасан дүнгээс үзвэл нийт нутгийн:

16% - Бэлчээрийн нөөцтэй

20% - Бэлчээр хүрэлцээтэй

43% - Даац 1-3 дахин хэтэрсэн

 6% - Даац 3-5 дахин хэтэрсэн

 15% - Даац олон дахин хэтэрсэн байна.

Өөрөөр хэлбэл аймгийн дүнгээр нийт нутгийн 30 орчим хувьд хүрэлцээтэй байхаар, харин 70 гаруй хувьд хэтэрч гарлаа.

Сумын дүнгээр авч үзвэл Тэс сумын 1,2,3,5-р баг, Түргэн сумын Баянхайрхан, Эрдэнэхайрхан баг, Наранбулаг сумын Гүнбүрд баг, Зүүнхангай сумын Баянгол баг, Завхан сумын нийт нутгаар даац олон дахин хэтэрч (улаан) гарсан тул мал өвөлжилт, хаваржилтын нөхцөл хүндрэхээр байна.                                                Сагил сумын Өндөрмод баг, Ховд сумын Шивэр баг, Өмнөговь сумын Орлого баг, Өлгий сумын Хунт баг, Зүүнхангай сумын Даланбулаг сумдын нутгаар 3-5 дахин хэтэрч (улбар шар). Мөн нутгийн 50 гаруй хувьд даац 1-3 дахин хэтэрч (шар) гарсан дүнтэй байна. Харин Бөхмөрөн, Улаангом, Зүүнговь, Баруунтуруун, Өндөрхангай сумдын нийт нутаг, Давст сумын Хандгайт баг, Тэс сумын Нураг баг, Наранбулаг сумын Алдар баг, Өмнговь сумын Холбоо, Улиастай баг, Өлгий сумын Чаргат багуудын нутгаар бага зэргийн хүрэлцээтэй байхаар гарчээ.

Бэлчээрийн даац нь тухайн газар нутгийн бэлчээрт бэлчээж болох эсвэл бэлчээрийн нөөцөөс хэтэрсэн малын тоог илтгэх бөгөөд энэ жилийн хувьд зуншлага харьцангуй сайн байсан бүс нутгаар бэлчээр хүрэлцээтэй, нөөцтэй гарсан. Гэвч хүйтний улиралд гэнэт хэт хүйтрэх, ахиу хэмжээний цасан бүрхүүл тогтоход цасан болон мөсөн зудын нөхцөл үүсэж, мал бэлчээрлэх боломжгүй болдог.