2020 ОНЫ ГУРАВДУГААР САРЫН СҮҮЛИЙН АРАВ ХОНОГИЙН ЦАГ АГААРЫН НӨХЦЛИЙН ТОЙМ

 Агаарын температур(Air temperature): Өнгөрөгч арав хоногт агаарын дундаж температур Өндөрхангай, Наранбулаг, Ховд, Өмнөговь, Завхан, Бөхмөрөн, Зүүнхангай, Өлгий, Цагаанхайрхан сумдын нутгаар 2-7 градус, Сагил, Түргэн, Хяргас, Малчин, Тэс, Улаангом, Баруунтуруун, Давст, Зүүнговь сумдын нутгаар 10-15 градус хүйтэн байна. 

       Агаарт хамгийн их температур өдөртөө Өндөрхангай, Наранбулаг, Ховд, Өмнөговь, Завхан, Зүүнхагай, Цагаанхайрхан сумдын нутгаар 9-14 грудас дулаан, Бөхмөрөн, Өлгий сумдын нутгаар 1-6 грудас дулаан ба  шөнөдөө хамгийн бага температур  Малчин, Тэс, Улаангом, Баруунтуруун, Өмнөговь,  Давст, Зүүнговь сумдын нутгаар 26-31 градус  хүйтэн бусад нутгаар            20-25 градус хүрч хүйтэрсэн байна. Харин агаарт 30⁰ градусаас давж  хүйтэрсэн өдөр Зүүнговь сумд 3, Өмнөговь сумд 1, Малчин сумд 1 байна.

Агаарын температурыг олон жилийн дундажтай харьцуулбал Өндөрхангай, Завхан, Зүүнговь, Зүүнхангай, Цагаанхайрхан сумдын  нутагт ОЖД-аас дулаан харин Тэс, Давст сумдын  нутагт ОЖД-ийн орчим, бусад сумдын  нутагт ОЖД-аас хүйтэн байлаа.

  Хөрсний температур(Soil temperature): Нийт нутгаар хөрсний дундаж температур 2градус дулаанаас 14 градус хүйтэн байв. Хөрсний гадрага дээр хамгийн их температур  өдөртөө Нарабулаг, Ховд, Өмнөговь, Завхан, Өндөрхангай сумдад 23-28градус хүрс дулаарсан ба бусад нутгаар 4-9 градус дулаан, Хөрсний гадрага дээр хамгийн бага температур шөнөдөө 14-32 градус хүйтэн байна.

Хур тунадас(Precipitаtion): Энэ арав хоногт хамгийн их тунадас Өмнөговь 17.9 мм 2 өдөр, Малчин, Улаангом, Зүүнговь, Түргэн, Хяргас сумуудын нутгаар 7.3-14.1 мм 3-5 өдөр, Өндөрхангай, Наранбулаг, Ховд, Тэс, Баруунтуруун, Завхан, Бөхмөрөн, Давст, Зүүнхангай, Өлгий, Сагил, Цагаанхайрхан сумуудын нутгаар 0.0-6.1мм 1-5 өдөр хур тунадас орсон. 

Салхи(Wind): Өндөрхангай, Наранбулаг, Ховд, Завхан, Өлгий, Сагил  сумдын нутгаар салхи түр зуур 17-23м/сек хүрч 1-7 өдөр цасан болон шороон шуурга шуурсан бусад нутгаар ихэнх хугацаанд 7-14 м/сек салхитай байсан байна.

Цас(Snow): 2020 оны 03 дугаар сарын 20-ны байдлаар нийт нутгийн 80 гаруй хувьд цасан бүрхүүлтэй байгаагаас цасны дундаж зузаан

Малчин, Хяргас, Түргэн, Баруунтуруун, Зүүнговь сумын нутгаар 23-42см, Улаангом, Тэс сумын нутгаар 17-18см, Өмнөговь, Сагил сумын нутгаар 4см, цасны нягт  нь 0.12-0.24 г/см3, бусад нутагт 0-2 см хүртэл зузаан цастай байна.

 ХАА-н үйлдвэрлэлд явагдаж байгаа ажил:  Нийт  сумдад  бог мал төллөх ажил үргэлжилж байна,  цаг агаарын байдал таатай нөлөөлж байна.

ХААЦУ-ын салбар

2020 оны 04 дүгээр сарын 02-нд