2017 оны 06 дугаар сарын 1-р 10 хоногийн тойм мэдээ

2017 оны 06 дугаар сарын 1-р 10 хоногийн тойм мэдээ

Өнгөрсөн 10 хоногийн цаг агаарын байдал

   Температурын хувьд: Увс аймгийн нутгаар өнгөрсөн 10 хоногт агаарын дундаж температур Өндөрхангай, Малчин, Өмнөговь, Цагаанхайрхан сумдын нутгаар 13-15  градус, бусад нутгаар 17-20 градус дулаан. Агаарын температур уулархаг нутгаар шөнөдөө 2-5 градус хүйтэн, өдөртөө 24-28 градус дулаан, бусад нутгаар шөнөдөө  6-9градус дулаан, өдөртөө 28-30 градус дулаан байна. Харин хөрсний гадаргад  уулархаг нутгаар хөрсний дундаж температур 20-25градус, бусад нутгаар 25-30 градус  дулаан байна. Харин хөрсний гадарга дээр 40 градусаас давж нийт нутгаар 7-10 өдөр дулаарсан  байна.

                Тунадас : Нийт нутгаар буюу Өндөрхангай, Баруунтуруун, Давст, Зүүнхангай, Цагаанхайрхан сумдад 8,3-14,2мм, Тэс, Зүүнговь, Наранбулаг, Өлгий, Ховд, Хяргас сумдад 2,0-4,3мм, бусад нутгаар 0,4-1,8мм тунадас 1-3 өдөр орсон байна.

            Салхи: Өндөрхангай, Завхан сумдад 19-22м/с, , Тэс, Улаангом, Баруунтуруун, Өмнөговь, Зүүнговь, Наранбулаг сумдад салхи 14-17 м/с  буюу аюултай үзэгдлийн хэмжээнд хүрч салхилсан ба бусад сумдын нутгаар 10-12м/с хүрч салхилсан байлаа.

Бэлчээрийн ургамал: 6 дугаар сарын 09-ний байдлаар бэлчээрийн ургамлын ургалтын байдал нийт нутгийн 70 орчим хувьд буюу Өндөрхангай, Улаангом, Сагил, Цагаанхайрхан сумдын нутгаар дунд, 30 гаруй хувьд нь сайн үнэлгээтэй байна.

Сумын төвийн ойролцоох бэлчээрийн ургамлын хашаалаагүй талбайд хийсэн  ажиглалтаар аймгийн нийт  нутгаар бэлчээрийн ургамлын өндөр Завхан, Зүүнговь, Сагил, Түргэн сумдад 12-17см, Малчин, Тэс, Баруунтуруун, Өмнөговь, Давст, Зүүнхангай, Наранбулаг, Өлгий, Ховд сумдад 7-11 бусад нутгаар 3-6 см байна.

Бэлчээрийн хөнөөлт хортон шавж, мэрэгчид: Энэ арав хоногт бэлчээрийн хортон мэрэгч  царцаа  1м² –д Баруунтуруун суманд-6, Өндөрхангай, Малчин, Улаангом, Давст, Зүүнговь, Сагил, Түргэн, Хяргас   сумдын нутгаар   2-4 царцаа ажиглагдсан байна.  Царцаа нь Өндөрхангай, Улаангом суманд бэлчээрийн ургамал идэж цоохортуулж гэмтээж байна.

ХАА-н үйлдвэрлэлд цаг агаарын нөлөөлөл :МАА-н үйлдвэрлэлд  мал оторлох, бод, бог мал төллөх, ямаа самнах  зэрэг  ажлууд үргэлжлэн явагдаж байна. Малын усан хангамж  нийт нутгаар сайн байна.

Тойм бичсэн: ХАА-н цаг уурын инженер Ж.Цагаанхүү

2017.06.12