2023 ОНЫ 12 ДУГААР САРЫН ДУНД АРАВ ХОНОГИЙН ЦАГ АГААРЫН НӨХЦӨЛИЙН ТОЙМ

2023 ОНЫ 12 ДУГААР САРЫН ДУНД АРАВ ХОНОГИЙН ЦАГ АГААРЫН НӨХЦӨЛИЙН ТОЙМ

            Агаарын температурын арав хоногийн дундаж Малчин, Тэс, Улаангом, Баруунтуруун, Давст, Зүүнговь, Зүүнхангай, Сагил, Тариалан сумдын нутгаар 31.0-38.0 градус бусад нутагт 25.0-30.9 градус хүйтэн  буюу олон жилийн дундажтай харьцуулбал нийт нутагт дунджаас 3.0-10.0 градус хүйтэн байлаа.

            Агаарын температур өдөртөө ихэнх нутагт 16-22 градус хүйтэн, Малчин, Тэс, Улаангом, Давс, Зүүнговь, Сагил сумдын нутгаар 23-27градус хүйтэн, шөнөдөө уулархаг нутаг болон Увс нуурын хөндийгөөр  41-49 градус бусад нутагт 31-40 градус хүйтэн байв.

            Хөрсний гадаргын температур өдөртөө  Хархираа, Ханхөхий Түргэний уулсын нутагт 15-20 градус хүйтэн, их нууруудын хотгорын өмнөд  баруун хэсгээр 8-14 хүйтэн, шөнөдөө Их нууруудын хотгорын хойд, Ханхөхийн нурууны хойд талын голын хөндий, хонхор нутагт 38-49 градус  бусад нутагт 31-37 градус хүйтэн байлаа.

            Хур тунадас нийт нутгийн 80 гаруй хувьд 0.0-2.4мм орсон бол сумдын нутгаар ороогүй. Орсон хур тунадасны хэмжээг олон жилийн дундажтай харьцуулбал Малчин, Баруунтуруун, Зүүнговь, Зүүнхангай, Өлгий, Цагаанхайрхан сумдын нутгаар дунджаас ахиу, Завханд орчим, бусад нутгаар дунджаас бага орсон.

Салхины хурд тал хээр, говийн нутгаар түр зуур 12-16 м/с хүрч салхилсан, бусад нутгаар тогтуун байна.

            Арав хоногт нэг удаа хийдэг хээрийн цасны хэмжилтийн мэдээгээр 12 дугаар сарын 20-ны байдлаар нийт нутгийн 90 гаруй хувьд цастай байгаагаас Хан Хөхий, Хархираа Түргэний уулс, Малчин, Улаангом, Баруунтуруун, Давст, Зүүнговь, Сагил, Түргэн, Хяргас, Тариалан сумуудын нутгаар 20-39см, Зүүнхангай, Өндөрхангай, Наранбулаг, Тэс сумдын нутгаар 10-18см бусад сумуудын нутгаар 1-6см, гуу, жалга, хунгарлаж шуурсан газартаа нутгийн хойд болон зүүн хэсгээр 35-80см зузаан цастай. Цасны дундаж нягт 0,10-0,33г/см³ байна.

Засгийн газрын 286 дугаар тогтоолын дагуу зудын байдалд үнэлгээ хийхэд  Баруунтуруун, Зүүнговь, Сагил, Малчин, Түргэн, Хяргас, Улаангом, Өндөрхангай, Давст, Тариалан, Тэс, Цагаанхайрхан, Зүүнхангай, Наранбулаг суманд зузаан цастайн улмаас цагаан зудын нөхцөл бүрдсэн байдалтай байна.

          .

Цаг агаарын нөхцөлийн онцлог

• Энэ арав хоногт нийт нутгаар онцгой хүйтэн буюу олон жилийн дунджаас 3-10 градусаар хүйтэн байв.
• Цас ахиу орж, нягтарч хатуурсанаас зудтай 14 сум цагаан зудын,нөхцөл байдалд байна.
• МАА-н үйлдвэрлэлд мал оторлуулах, нэмэгдэл тэжээл өгөх ажил хийгдэж байна. Нийт 6 гаруй суманд малын бэлчээрлэлт 2-10 хоног саатсан мэдээтэй байна./ Өндөрхангай, Баруунтуруун, Завхан, Давст, Сагил, Цагаанхайрхан/