Сарын тойм

Увс аймгийн 2023 оны 05-р сарын уур амьсгалын тойм

Агаарын температур: Агаарын дундаж температур нийт сумдын нутгаар 4…..10 градус дулаан  байсан.

Олон жилиийн дундажтай харьцуулбал: Нийт сумдын нутгаар олон жилийн дунджаас 2-4 градусаар хүйтэн байсан байна.

Агаарын үнэмлэхүй бага температур: Нийт сумдын нутгаар -2......-9 градус хүйтэн байсан.

Агаарын үнэмлэхүй их температур: Нийт сумдын нутгаар 15....26 градус дулаан байсан байна. Агаарын температур 30 градусаас дээш хүйтэрсэн хоногийн тоо ажиглагдаагүй байна.

Хөрсний температур: Хөрсний дундаж температур нийт сумдын нутгаар 4....18 градус  дулаан байлаа.

Хөрсний үнэмлэхүй бага температур: Нийт сумдын нутагт -3...-10 градус хүйтэн байсан.

Хөрсний үнэмлэхүй их температур: Нийт сумдын нутгаар 20-54 градус дулаан байсан. Хөрсөн дээр 40 градусаас дээш хүйтэрсэн хоногийн  тоо Наранбулаг , Завхан, Тэс, Улаангом сумдын нутагт 10-18 өдөр ажиглагдсан, бусад сумдаар 1-7 өдөр, Бөхмөрөн, Зүүнхангай, Цагаанхайрхан сумдад  ажиглагдаагүй байна.

Салхи: Бөхмөрөн, Ховд, Зүүнхангай, Цагаанхайрхан, Хяргас сумдад түр зуур 6-15 м/с хүрч хүчтэй салхилсан, бусад сумдын нутгаар 17-23 м/с хүрч аюултай үзэгдлийн хэмжээнд салхилсан байна. 10 м/сек –ээс их салхитай өдрийн тоо Өндөрхангай, Наранбулаг, Улаангом, Өмнөговь, Завхан сумдад 24-31 өдөр, бусад сумдын нутагт  2-14 өдөр ажиглагдсан. Цагаанхайрхан, Зүүнхангай сумдад  ажиглагдаагүй байна.

Хур тунадас: Нийт нутгаар 7,7-79,4 мм хур тунадас орсоноос Түргэн, Цагаанхайрхан, Малчин, Өмнөговь, Өлгий сумдын нутгаар 44,5-79,4 мм, бусад сумдын нутагт 7,7-36,2 мм хур тунадас орсон. Нийт нутгаар 6-15 өдөр тунадас орсон.

Олон жилиийн дундажтай харьцуулбал: Баруунтуруун, Хяргас сумдын нутгаар олон жилийн дунджийн орчим,  Зүүнговь сумдад олон жилийн дунджаас бага, Бусад сумдын нутгаар олон жилийн дунджаас ахиу  хур тунадас орлоо.

Увс аймаг УЦУОШТөв-Уур амьсгалын салбар 2023.06.02.