2023 ОНЫ 04 ДҮГЭЭР САРЫН СҮҮЛИЙН АРАВ ХОНОГИЙН ЦАГ АГААРЫН НӨХЦӨЛИЙН ТОЙМ

2023 ОНЫ 04 ДҮГЭЭР САРЫН СҮҮЛИЙН АРАВ ХОНОГИЙН ЦАГ АГААРЫН НӨХЦӨЛИЙН ТОЙМ

Агаарын температурын арав хоногийн дундаж нийт нутгаар 1.0-6.0 градус дулаан буюу  олон жилийн дунджаас 1-4 градусаар хүйтэн байлаа.

            Агаарын температур өдөртөө Наранбулаг, Ховд, Улаангом, Баруунтуруун, Өмнөговь, Завхан, Зүүнговь, Өлгий сумдын нутгаар 20-25 градус, бусад нутгаар 8-13градус дулаан, шөнөдөө нийт сумдын нутгаар 8-13 градус хүйтэн байв.

            Хөрсний гадаргын температур өдөртөө Давст, Зүүнхангай, Цагаанхайрхан сумдын нутгаар 33-38градус, бусад нутагт 39-44 градус дулаан, шөнөдөө Малчин, Ховд, Тэс, Өмнөговь, Зүүнговь, Зүүнхангай, Хяргас, Цагаанхайрхан сумдын нутгаар 13-18 градус, бусад нутагт 7-12 градус хүйтэн байлаа.

            Хур тунадас Өндөрхангай, Наранбулаг, Малчин, Улаангом, Баруунтуруун, Өмнөговь, Завхан, Давст, Зүүнхагай, Өлгий, Сагил, Түргэн, Цагаанхайрхан сумдын нутгаар 0.0-2.3мм тунадас орсон. Бусад нутгаар тунадас ороогүй. Орсон хур тунадасны хэмжээг олон жилийн дундажтай харьцуулбал Өндөрхангай, Баруунтуруун сумдын нутгаар орчим, бусад сумдын нутгаар бага тунадас орсон байлаа.

            Салхины хурд Өндөрхангай, Наранбулаг, Ховд, Улаангом, Өмнөговь, Завхан, Өлгий, Сагил сумдын нутгаар 20-24 м/с, Малчин, Тэс, Давст, Зүүнговь, Түргэн, Цагаанхайрхан сумдын нутгаар 17-19м/с аюултай үзэгдлийн хэмжээнд хүрч, Баруунтуруун, Бөхмөрөн, Хяргас сумдын нутгаар түр зуур 10-14 м/с хүрч хүчтэй салхилж шороон шуурга шуурсан.

Ургамал:Бэлчээрийн ургамлын ургалтын байдал 4 дүгээр сарын 30ны байдлаар 50 орчим хувьд цухуйсан ба Өндөрхангай, Наранбулаг, Тэс, Улаангом, Өлгий, Сагил,Түргэн, сумдын нутгаар ургамал цухуйсан боловч ургалт муу мал бэлчээх боломжгүй, Баруунтуруун, Хяргас сумдын нутгаар ургалт дунд байна.

Цаг агаарын нөхцлийн онцлог

• МАА-н үйлдвэрлэлд мал төллүүлэх, нэмэгдэл тэжээл өгөх, ямаа самнах ажил үргэлжлэн хийгдэж байна.
• 4 дүгээр сард 84 мянга орчим мал хорогдсон мэдээтэй байна.

Хөдөө Аж Ахуйн Цаг уурын салбар

2023.05.02