2023 ОНЫ 03 ДУГААР САРЫН СҮҮЛИЙН АРАВ ХОНОГИЙН ЦАГ АГААРЫН НӨХЦӨЛИЙН ТОЙМ

2023 ОНЫ 03 ДУГААР САРЫН СҮҮЛИЙН АРАВ ХОНОГИЙН ЦАГ АГААРЫН НӨХЦӨЛИЙН ТОЙМ

Агаарын температурын арав хоногийн дундаж Хархираа, Түргэний уулс, Хан Хөхий нуруугаар болон Малчин, Тэс, Улаангом, Баруунтуруун, Давст, Зүүнговь, Сагил, Түргэн, Хяргас сумдын нутагт 12.0-17.0 градус бусад нутагт 2.0-7.0градус хүйтэн буюу Өндөрхангай, Ховд, сумдын нутгаар олон жилийн дунджаас 1.1-2.4 градусаар дулаан, Малчин, Тэс, Баруунтуруун, Зүүнговь, Хяргас сумдын нутгаар олон жилийн дунджаас 1.7-5.2 градусаар хүйтэн, бусад нутгаар олон жилийн дунджийн орчим байлаа.

            Агаарын температур өдөртөө Өндөрхангай, Наранбулаг, Ховд, Өмнөговь, Завхан, Бөхмөрөн, Зүүнхангай, Өлгий, Цагаанхайрхан сумдын нутгаар 11-16 градус, бусад нутгаар 0-5градус дулаан, шөнөдөө Тэс, Зүүнговь, Малчин сумдын нутгаар 30-35 градус, бусад нутгаар 16-21градус хүйтэн байв.

            Хөрсний гадаргын температур өдөртөө Өндөрхангай, Малчин, Тэс, Давст, Баруунтуруун, Зүүнхангай, Зүүнговь, Түргэн, Хяргас, Цагаанхайрхан сумдын нутгаар 12-17градус, бусад нутагт 29-34 градус дулаан, шөнөдөө Малчин, Тэс, Зүүнговь, Сагил сумдын нутгаар 30-35 градус, бусад нутагт 20-25 градус хүйтэн байлаа.

            Хур тунадас Баруунтуруун, Зүүнговь, сумдын нутгаар 6.0мм, Өндөрхангай, Малчин, Хяргас, Цагаанхайрхан сумдын нутгаар 4.3-0.3мм, бусад нутгаар тунадас ороогүй. Орсон хур тунадасны хэмжээг олон жилийн дундажтай харьцуулбал Баруунтуруун, Зүүнговь, Хяргас, Цагаанхайрхан сумдад дунджаас ахиу, Малчин суманд дунджийн орчим бусад нутгаар бага тунадас орсон байлаа.

            Салхины хурд Өндөрхангай, Наранбулаг, Өмнөговь, Завхан, Сагил сумдын нутгаар 17-22 м/с буюу аюултай үзэгдлийн хэмжээнд хүрч салхилсан, Ховд, Улаангом, Бөхмөрөн, Давст, Өлгий, Түргэн, Хяргас сумдын нутгаар түр зуур 10-14 м/с хүрч хүчтэй салхилсан. Бусад сумдын нутгаар салхи тогтуун байжээ.

Цасан бүрхүүл: 03 дүгээр сарын 30-ний байдлаар Хайстын шил, Хан Хөхийн нуруу, Хархираа Түргэний уулсаар 35 см-ээс их, цасны дундаж зузаан Малчин, Баруунтуруун, Зүүнговь, Хяргас суманд 25-33 см буюу цасны нягт 0,12-0,21г/см3, Тэс, Давст,  Цагаанхайрхан сумдын нутгаар 4-11 см, бусад нутгийн баруун болон говийн нутгаар, зүүн өмнө хэсгийн зарим нутгаар тарлан цастай байна.

Цаг агаарын нөхцөлийн онцлог

• МАА-н үйлдвэрлэлд мал төллөх, оторлуулах, нэмэгдэл тэжээл өгөх ажил хийгдэж байна.
• 3 дугаар сард зудтай болон зудархуу байсан сумдын нутгаар 73 мянга орчим мал хорогдсон мэдээтэй байна.

УЦУОШТөв

ХААЦУ-ын салбар