2023 ОНЫ 03 ДУГААР САРЫН ДУНД АРАВ ХОНОГИЙН ЦАГ АГААРЫН НӨХЦӨЛИЙН ТОЙМ

2023 ОНЫ 03 ДУГААР САРЫН ДУНД АРАВ ХОНОГИЙН ЦАГ АГААРЫН НӨХЦӨЛИЙН ТОЙМ

Агаарын температурын арав хоногийн дундаж Хархираа, Түргэний уулс, Хан Хөхий нуруугаар болон Малчин, Тэс, Улаангом, Баруунтуруун, Давст, Зүүнговь, Сагил, Түргэн, Хяргас сумдын нутагт 8.0-13.0 градус бусад нутагт 0.0-5.0градус хүйтэн буюу нийт сумдын нутгаар олон жилийн дунджаас 4.0-9.5 градусаар дулаан байлаа.

            Агаарын температур өдөртөө Наранбулаг, Ховд, Өмнөговь, Завхан, Бөхмөрөн, Өлгий, Цагаанхайрхан сумдын нутгаар 7-12градус, Өндөрхангай, Улаангом, Зүүнхангай сумдын нутгаар 0-5градус Дулаан, бусад нутгаар 0-5градус Хүйтэн, шөнөдөө Тэс, Зүүнговь сумдын нутгаар 25-30 градус, бусад нутгаар 15-20градус хүйтэн байв.

            Хөрсний гадаргын температур өдөртөө Ховд, Өмнөговь, Завхан, Зүүнхангай, Өлгий, Цагаанхайрхан сумдын нутгаар 5-10градус, бусад нутагт 17-22 градус дулаан, шөнөдөө Малчин, Тэс, Улаангом, Баруунтуруун, Давст, Зүүнговь, Сагил сумдын нутгаар 20-25 градус, бусад нутагт 14-19 градус хүйтэн байлаа.

            Хур тунадас нийт нутгийн 60 гаруй хувьд буюу Малчин, сумдын нутгаар 9.0мм, Баруунтуруун, Зүүнговь, Зүүнхангай, Хяргас, Цагаанхайрхан сумдын нутгаар 4.4-2.0мм, бусад нутгаар 0.0-0.6мм тунадас орсон. Харин Наранбулаг, Ховд, Улаангом, Өмнөговь, Завхан, Бөхмөрөн, Давст сумдын нутгаар тунадас ороогүй. Орсон хур тунадасны хэмжээг олон жилийн дундажтай харьцуулбал Малчин, Баруунтуруун, Зүүнговь, Зүүнхангай, Хяргас сумдад дунджаас ахиу, Цагаанхайрхан суманд дунджийн орчим бусад нутгаар бага тунадас орсон байлаа.

            Салхины хурд Өндөхангай, Ховд, Завхан, Өлгий, Сагил сумдын нутгаар 20-23 м/с, Наранбулаг, Улаангом, Өмнөговь, Давст, Түргэн, Цагаанхайрхан сумдын нутгаар түр зуур 14-18 м/с хүрч хүчтэй салхилсан. Бусад сумдын нутгаар салхи тогтуун байжээ 

Цасан бүрхүүл: 03 дүгээр сарын 20-ны байдлаар нийт нутгийн 50 гаруй хувьд цастай байгаагаас Хайстын шил, Хан Хөхийн нуруу, Хархираа Түргэний уулсаар 25 см-ээс их, цасны дундаж зузаан Тэс, Баруунтуруун, Давст, Зүүнговь, Хяргас суманд 14-22 см буюу цасны нягт 0,15-0,20г/см³, Малчин, Түргэн, Сагил сумдын нутгаар 3-5 см, бусад нутгийн баруун болон говийн нутгаар, зүүн өмнө хэсгийн зарим нутгаар 1-4 баллын тарлан цастай байна.