2022 ОНЫ 8 ДУГААР САРЫН ЭХНИЙ АРАВ ХОНОГИЙН ЦАГ АГААРЫН НӨХЦӨЛИЙН ТОЙМ

2022 ОНЫ 8 ДУГААР САРЫН ЭХНИЙ АРАВ ХОНОГИЙН ЦАГ АГААРЫН НӨХЦӨЛИЙН ТОЙМ

            Агаарын температурын арав хоногийн дундаж  Хархираа, Түргэний уулс, Хан Хөхийн нуруугаар 13.1-15.0 градус,  Наранбулаг, Ховд, Завхан, Давст, Зүүнговь сумдын нутгаар 20.1-23.0 градус бусад нутагт 15.1-20.0 градус дулаан (1 дүгээр зураг) буюу олон жилийн дундажтай харьцуулбал ихэнх нутагт дунджийн орчим харин Өмнөговь, Зүүнговь, Өлгий, Хяргас, Цагаанхайрхан сумдын нутгаар 1.6-2.2 градусаар сэрүүн байлаа.

Агаарын температур өдөртөө ихэнх нутагт 26-31 градус, Өндөрхангай, Бөхмөрөн, Зүүнхангай, Хяргас Цагаанхайрхан сумдын нутгаар 23-25 градус дулаан, шөнөдөө уулархаг нутгаар 6-8градус, бусад нутагт 9-14 градус дулаан байв.

            Хөрсний гадаргын температур өдөртөө Хан Хөхийн нуруу, Зүүнхангай, Цагаанхайрхан сумдын нутаг орчмоор 29-40 градус,Малчин, Тэс нутгаар 56-60 градус, бусад нутагт 41-55 градус дулаан, шөнөдөө уулархаг нутгаар 2-6 градус дулаан,  бусад нутагт 6-12 градус дулаан байлаа.

Хур тунадас нийт нутгийн 70 гаруй хувьд 0.0-10.0 мм, Малчин, Завхан, Зүүнговь, Зүүнхангай, Сагил, Түргэн сумдын нутгаар 10.1-20.0 мм, Улаангомд 30.8 мм орсон (2 дугаар зураг). Орсон хур тунадасны хэмжээг олон жилийн дундажтай харьцуулбал ихэнх нутагт дунджаас бага, Улаангом, Зүүнговь, Зүүнхангай, Сагил, Түргэн сумдын нутгаар дунджаас ахиу байлаа.

Бэлчээрийн ургамлын ургалт 8 дугаар сарын 10-ны байдлаар нийт нутгийн 30 орчим хувьд буюу Ховд,  Баруунтуруун, Бөхмөрөн, Давст сумын ихэнх,  Тэс сумын зарим нутгаар сайн, 40 гаруй хувьд дунд, 30 орчим хувьд буюу Түргэн, Сагил, Зүүнговь, Завхан, Малчин сумдын зарим хэсгээр  муу үнэлгээтэй (3 дугаар зураг)  байна. Нийт нутгаар 5,6,7 дугаар саруудад хур тунадас бага орсон, чийг бага, хөрсөн дэрээ +40 градусаас дээш гарч халсан халалт олон хоног үргэлжилснээс бэлчээрийн ургамлын ургалтанд таатай биш нөлөөлж, бэлчээрийн ургамлын ургалт удаашралтай, үе шат явагдахгүй хэт хаталтын байдалтай болсон.

Салхины хурд  Наранбулаг, Малчин, Улаангом, Өмнөговь, Завхан сумдын нутгаар түр зуур 17-22 м/с буюу аюултай үзэгдлийн хэмжээнд хүрч салхилсан, бусад нутгаар салхи тогтуун байна.

Цаг агаарын нөхцөлийн онцлог

• Улаангомд  0,7мм голчтой  мөндөр орсон байна.
• Хөрсний гадрага дээр  +40 градусаас дээш гарч халсан өдөр нийт сумдад  6-10 өдөр ажиглагдсан.
• Бэлчээрийн ургамлын ургалт тааруу удаашралтай, үе шат явагдахгүй зогсонги байдалтай гэмтэлтэй байна.
• МАА-н үйлдвэрлэлд хадлан тэжээл бэлтгэх, мал оторлох, сааль сүү бэлтгэх ажил хийгдэж байна.

УВС АЙМГИЙН УС ЦАГ УУР ОРЧНЫ ШИНЖИЛГЭЭНИЙ ТӨВИЙН

ХӨДӨӨ АЖ АХУЙН ЦАГ УУРЫН САЛБАР

2022.08.12