2022 ОНЫ 11 ДҮГЭЭР САРЫН СҮҮЛИЙН АРАВ ХОНОГИЙН ЦАГ АГААРЫН НӨХЦӨЛИЙН ТОЙМ

Агаарын температурын арав хоногийн дундаж нийт сумдын нутгаар 16.0-21.0 градус хүйтэн буюу олон жилийн дундажтай харьцуулбал нийт нутгаар  олон жилийн дунджаас 1.0-7.0 градусаар хүйтэн байлаа.

             Агаарын температур өдөртөө Малчин, Тэс, Улаангом, Баруунтуруун, Зүүнговь, Сагил, Түргэн сумдын нутгаар 5-10 градус хүйтэн, бусад сумдын нутгаар 1 градус дулаанаас-4 градус хүйтэн, шөнөдөө Малчин, Тэс, Зүүнговь сумдын нутгаар 35-40 градус, бусад нутгаар 29-34 градус хүйтэн байв.

            Хөрсний гадаргын температур өдөртөө  Тэс, Баруунтуруун, Бөхмөрөн, Зүүнговь, Сагил, Цагаанхайрхан сумдын нутгаар  0-5 градус хүйтэн, бусад нутагт 0-5 градус дулаан,

шөнөдөө Өндөрхангай, Малчин, Баруунтуруун, Зүүнговь, Цагаанхайрхан сумдын нутгаар 37-42 градус, бусад нутагт 31-36 градус хүйтэн байлаа.

            Хур тунадас: нийт нутгийн 90 гаруй хувьд буюу Малчин, Баруунтуруун, Түргэн сумдын нутгаар 5.4-13.0 мм тунадас орсон. Харин бусад сумдын нутгаар 0.0-4.5 мм тунадас орсон. Орсон хур тунадасны хэмжээг олон жилийн дундажтай харьцуулбал Малчин, Улаангом, Баруунтуруун, Зүүнговь, Сагил, Түргэн, Цагаанхайрхан сумдын нутгаар УАД-аас ахиу, бусад нутгаар УАД-аас бага тунадас орсон байна.

          Салхины хурд: Өндөрхангай, Наранбулаг, Улаангом, Ховд, Өмнөговь, Завхан, Сагил, Түргэн, Цагаанхайрхан сумдын нутгаар түр зуур 13-18 м/с хүрч хүчтэй салхилсан. Бусад  сумдын нутгаар секундэд 7-11  метр хүрч зөөлөн явган шуургатай байжээ 

Цасан бүрхүүл: Өндөрхангай, Малчин, Тэс, Улаангом, Баруунтуруун, Зүүнговь, Өлгий, Сагил, Түргэн, Цагаанхайрхан сумдын нутгаар 5-10 баллын цасан бүрхүүлтэй, 1-13 см зузаан цастай байлаа.

                       Тойм бичсэн: ХААЦУ-ын инженер П. Эрдэмдэлгэр