2022 ОНЫ 10 ДУГААР САРЫН ЭХНИЙ АРАВ ХОНОГИЙН ЦАГ АГААРЫН НӨХЦӨЛИЙН ТОЙМ

2022 ОНЫ 10 ДУГААР САРЫН ЭХНИЙ АРАВ ХОНОГИЙН ЦАГ АГААРЫН НӨХЦӨЛИЙН ТОЙМ

Агаарын температурын арав хоногийн дундаж Хархираа, Түргэний уулс, Хан Хөхий нуруугаар болон Өндөрхангай, Малчин, Зүүнхангай, Хяргас, Цагаанхайрхан, Өмнговь, Өлгий сумдын нутагт 0.5-5.0 градус хүйтэн бусад нутагт 0.0-2.0 градус дулаан буюу олон жилийн дундажтай харьцуулбал нийт нутгаар  олон жилийн дунджаас 1.9-6.2 градусаар хүйтэн байлаа.

            Агаарын температур өдөртөө өндөр уулсын нутаг болон Өндөрхангай, Малчин, Зүүнхангай сумдын нутаг, Бөхмөрөн, Давст, Сагил сумдын нутгаар 6-9 градус, бусад нутгаар 10-13 градус дулаан, шөнөдөө Өндөрхангай, Малчин, Тэс, Өмнөговь, Зүүнговь, Зүүнхангай, Цагаанхайрхан сумдын нутгаар 12-17 градус, бусад нутгаар 7-12 градус хүйтэн байв.

            Хөрсний гадаргын температур өдөртөө  Их нууруудын хотгорийн өмнөд хэсэг болох Наранбулаг, Ховд, Завхан сумдын нутаг, Өндөрхангай, Тэс, Улаангом сумдын нутгаар  27-35 градус, бусад нутагт 13-25 градус дулаан, шөнөдөө Өндөрхангай, Наранбулаг,Баруунтуруун,Өмнөговь,  Зүүнхангай сумдын нутгаар 15-20 градус, бусад нутагт 8-14 градус хүйтэн байлаа.

            Хур тунадас нийт нутгийн 90 гаруй хувьд буюу Өндөрхангай, Малчин, Баруунтуруун, Зүүнговь, Зүүнхангай, Хяргас сумдын нутгаар 5.2-7.2 мм, бусад нутгаар 0.0-4.0мм тунадас орсон. Харин Бөхмөрөн, Өлгий сумдын нутгаар тунадас ороогүй. Орсон хур тунадасны хэмжээг олон жилийн дундажтай харьцуулбал Наранбулаг, Ховд, Тэс, Өмнөговь, Давст, Сагил сумдын нутгаар дунджаас бага, бусад нутгаар ахиу тунадас орсон байлаа.

            Салхины хурд Өндөрхангай,Улаангом, Өмнөговь, Завхан сумдын нутгаар түр зуур 13-15 м/с хүрч шороон шуурга болон хүчтэй салхилсан. Бусад  сумдын нутгаар секундэд 6-11  метр хүрч зөөлөн явган шуургатай байжээ 

Ургамал: Ихэнхи сумдын нутгаар бэлчээрийн ургамал хаталт хагдралт болж өвлийн тайван байдалд шилжсэн. Наранбулаг, Ховд,  Бөхмөрөн нутгаар ургамал удаашралтай, үе шат явагдахгүй зогсонги байдалтай байна

ХАА-н үйлдвэрлэлд цаг агаарын нөлөөлөл: Нийт  сумдад мал оторлох, хадлан тэжээл,хужир шүү бэлтгэх зэрэг  ажил хийгдэж байна

Цаг агаарын нөхцөлийн онцлог

• Энэ арав хоногт өмнөх арав хоногоос эрс сэрүүсч нийт нутгаар олон жилийн дунджаас 1,9-6,2 градусаар хүйтэн байлаа.
• 10-ны байдлаар Өндөрхангай, Цагаанхайрхан сумдын нутгаар 1-5 баллын цастай байлаа.

Тойм бичсэн: ХААЦУ-ын технологич инженер Ж. Цагаанхүү