2022 ОНЫ 06 ДУГААР САРЫН СҮҮЛИЙН АРАВ ХОНОГИЙН ЦАГ АГААРЫН НӨХЦӨЛИЙН ТОЙМ

Агаарын температурын арав хоногийн дундаж нийт сумдын  нутагтаар 21.0-26.0 градус буюу олон жилийн дундажтай харьцуулбал ихэнх нутгаар 2.6-5.2градус, Зүүнговь, Зүүнхангай, Өлгий,Сагил, Түргэн, Хяргас, Цагаанхайрхан  сумдын нутгаар ОЖД-аас 5.5-7.4 градус дулаан байлаа.

Агаарын температур өдөртөө нийт сумдын нутагт 31.0-36.0 градус дулаан. шөнөдөө нийт сумдын нутгаар 8.0-13.0 градус дулаан байв.

            Хөрсний гадаргын температур өдөртөө  Зүүнхангай, Цагаанхайрхан сумдын нутагт  35.0-40.0 градус, бусад нутгаар 55.0-60.0 градус дулаан, шөнөдөө ихэнх нутагт 6.0-11.0 градус дулаан байлаа.

            Хур  тунадас  Наранбулаг, Ховд, Тэс, Улаангом, Баруунтуруун, Завхан, Давст, Түргэн, Цагаанхайрхан сумдын нутагт 0.0-2.0 мм, Өндөрханай, Малчин, Бөхмөрөн, Зүүнговь, Сагил, Хяргас сумдын нутгаар 2.1-4.0 мм, Өмнөговь, Зүүнхангай, Өлгий сумдын нутагт хур тунадас ороогүй. Хур тунадасны хэмжээг олон жилийн дундажтай харьцуулбал нийт нутгаар ОЖД-аас бага тунадас орсон байлаа.

Салхины хурд нийт нутгаар түр зуур 12-17 м/с хүрч хүчтэй салхилсан байлаа.

Ургамал: Ихэнх сумдын нутгаар бэлчээрийн төлөөлөх ургамал  цухуйлт жигдэрсэн байна. Ургамлын дундаж өндөр 3-13 см, бэлчээрийн ургамлын ургалтын байдал 10 орчим хувьд буюу Давст сумын ихэнхи, Малчин,  Завхан, Зүүнхангай сумдын зарим хэсгээр зуншлага хэвийн сайн. 20 гаруй хувд буюу  Өндөрхангай, Малчин, Зүүнхангай сумдын ихэнхи нутгаар, Наранбулаг, Малчин, Өлгий, Тариалан, Улаангом, Давст сумдын зарим хэсэг дунд зэрэг,  70 гаруй хувьд буюу бусад нутгаар муу үнэлгээтэй  байна.

Мал аж ахуйн үйлдвэрлэл: Энэ 10 хоногт малын ноос хяргах ажил үргэлжлэн явагдаж байна.

Засгийн газрын 286 дугаар тогтоолын дагуу гангийн байдлын үнэлгээ Наранбулаг, Улаангом, Баруунтуруун, Өмнөговь, Завхан, Зүүнговь, Сагил, Түргэн, Хяргас,Цагаанхайрхан сумдын нутгаар хэт халуун чийг бага хуурайшилтай ургамал хатаж, ургалт зогсонг байдалтай  улмаас гантай байна.

Харин Малчин,Ховд, Зүүнхангай, Өлгий сумдын нутгаар  хур тунадас бага, чийг бага ургамал шарлах, хатах, ургамлын ургалт удаашралтай улмаас гандуу байна.

Цаг агаарын нөхцлийн онцлог:

•  Энэ 10 хоногт агаарын дундаж температур ОЖД-аас нийт сумдын нутгаар 2.6-7.4градус дулаан байлаа.
• Хөрсний гадрага дээр 40-ээс дээш гарч халсан өдөр ихэнх сумдад 9-10 өдөр ажиглагдсан.
•  Бэлчээрийн ургамал нийт нутгаар 2-13 см өндөр ургасан байна

Увс аймаг УЦУОШТөв-Хөдөө аж ахуйн цаг уурын салбар