2020 ОНЫ ДӨРӨВДҮГЭЭР САРЫН ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ

 Агаарын температур(Air temperature): Өнгөрөгч арав хоногт агаарын дундаж температур Өндөрхангай, Наранбулаг, Ховд, Өмнөговь, Завхан, Бөхмөрөн, Зүүнхангай, Өлгий, Цагаанхайрхан сумдын нутгаар 0-5 градус дулаан, Сагил, Түргэн, Хяргас, Малчин, Тэс, Улаангом, Баруунтуруун, Давст, Зүүнговь сумдын нутгаар 8-13 градус хүйтэн байна. 

       Агаарт хамгийн их температур өдөртөө Өндөрхангай, Наранбулаг, Ховд, Өмнөговь, Завхан, Зүүнхагай, Өлгий, Сагил, Цагаанхайрхан сумдын нутгаар 12-17 грудас дулаан, Малчин, Улангом, Бөхмөрөн, Түргэн, Хяргас сумдын нутгаар 0-5 грудас дулаан, бусад нутгаар 0-5 градус хүрч хүйтэрсэн ба  шөнөдөө хамгийн бага температур Малчин, Тэс, Улаангом, Өмнөговь,  Давст, Зүүнговь сумдын нутгаар 20-25 градус, Өндөрхангай, Наранбулаг, Ховд, Баруунтуруун, Завхан, Өлгий, Сагил, Түргэн, Хяргас сумдын нутгаар 14-19 градус бусад нутгаар 8-13 градус хүрч хүйтэрсэн байна.

Агаарын температурыг олон жилийн дундажтай харьцуулбал Өндөрхангай, Наранбулаг, Ховд, Өмнөговь, Завхан, Зүүнхангай, Өлгий, Цагаанхайрхан сумдын  нутагт ОЖД-аас дулаан харин бусад сумдын  нутагт ОЖД-аас хүйтэн байлаа.

  Хөрсний температур(Soil temperature): Нийт нутгаар хөрсний дундаж температур 9 градус дулаанаас 13 градус хүйтэн байв. Хөрсний гадрага дээр хамгийн их температур  өдөртөө Нарабулаг, Ховд, Өмнөговь, Завхан, Өндөрхангай сумдад 35-40градус хүрс дулаарсан ба бусад нутгаар 15-20 градус дулаан, Хөрсний гадрага дээр хамгийн бага температур шөнөдөө 12-32 градус хүйтэн байна.

Хур тунадас(Precipitаtion): Энэ арав хоногт нийт нутгаар хур тунадас ороогүй. 

Салхи(Wind): Өндөрхангай, Наранбулаг, Ховд, Өмнөговь, Завхан, Өлгий  сумдын нутгаар салхи түр зуур 14-17м/сек хүрч 1-6 өдөр цасан болон шороон шуурга шуурсан бусад нутгаар ихэнх хугацаанд 4-9 м/сек салхитай байсан байна.

Цас(Snow): 2020 оны 04 дугаар сарын 10-ны байдлаар нийт нутгийн 50 гаруй хувьд цасан бүрхүүлтэй байгаагаас цасны дундаж зузаан Малчин, Хяргас, Түргэн, Баруунтуруун, Зүүнговь, Тэс сумын нутгаар 10-28см, Улаангом, Давст, Сагил сумын нутгаар 0-7см, цасны нягт  нь 0.16-0.24 г/см3, бусад нутгаар цасгүй байна.

 ХАА-н үйлдвэрлэлд явагдаж байгаа ажил:  Нийт  сумдад  бог болон бод мал төллөх ажил үргэлжилж байна,  цаг агаарын байдал таатай нөлөөлж байна.

ХААЦУ-ын салбар

2020 оны 04 дүгээр сарын 12-нд