2017 ОНЫ 5 ДУГААР САРЫН ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ

Өнгөрсөн 10 хоногийн цаг агаарын байдал

   Температурын хувьд: Увс аймгийн нутгаар өнгөрсөн 10 хоногт агаарын дундаж температур Өндөрхангай, Малчин, Өмнөговь, Зүүнхангай, Хяргас, Цагаанхайрхан сумдын нутгаар 4-7  градус, бусад нутгаар 8-12 градус дулаан. Агаарын температур Увс нуур, Тэсийн голын хөндийгөөр шөнөдөө 5-8 градус хүйтэн, өдөртөө 17-22 градус дулаан, бусад нутгаар шөнөдөө 9-12 градус дулаан, өдөртөө 23-27 градус дулаан байна. Харин хөрсний гадаргад  уулархаг нутгаар хөрсний дундаж температур 6-11градус, бусад нутгаар 15-20 градус  дулаан байна.Хөрсний гадарга дээр 40 градусаас давж Тэс, Улаангом, Завхан, Давст, Зүүнговь, Наранбулаг сумдын нутгаар 4-8 өдөр, Өндөрхангай, Малчин, Баруунтуруун, Өмнөговь, Өлгий, Түргэн, Ховд, Хяргас сумдын нутгаар 1-3 өдөр дулаарсан  байна.

                Тунадас : Малчин, Баруунтуруун, Зүүнговь, Түргэн, Хяргас, Цагаанхайрхан сумдад 6,7-18,2мм, Өндөрхангай, Тэс, Улаангом,   Өмнөговь, Давст, Зүүнхангай, Сагил сумдад 0,1-2,7мм тунадас 1-5 өдөр орсон. Завхан, Наранбулаг, Өлгий, Ховд сумдын нутгаар тунадас ороогүй байна.

            Салхи: Малчин, Өмнөговь, Завхан, Зүүнговь, Наранбулаг сумдад салхи 20-24м/с, Өндөрхангай, Тэс, Улаангом, Баруунтуруун, Сагил сумдад салхи 15-19 м/с  буюу аюултай үзэгдлийн хэмжээнд хүрч салхилсан ба Давст, Өлгий, Түргэн, Хяргас сумдын нутгаар 10-14м/с хүрч салхилсан бусад нутгаар салхи тогтуун байлаа.

Ургамал бүрхүүл: 2017 оны 05-р сарын 09 –ний  өдрийн сумын төвийн ойролцоох бэлчээрийн ургамлын хашаалаагүй талбайд хийсэн  ажиглалтаар аймгийн нийт  нутгаар бэлчээрийн ургамлын  цухуйлтын үе шат  жигдэрсэн байна.  Ургамлын өндөр Тэс, Баруунтуруун, Зүүнговь сумдад 5-7см, бусад нутгаар 1-4 см байна. Ургамлын ургалтын байдал  Өндөрхангай, Тэс, Баруунтуруун,Өмнөговь, Давст, Сагил, Ховд сумдын нутгаар  сайн, бусад сумдын нутгаар  дунд байна.

Бэлчээрийн хөнөөлт хортон шавж, мэрэгчид: Энэ арав хоногт бэлчээрийн хортон мэрэгч  царцаа  бүх сумдын нутгаар   ажиглагдаагүй байв.

ХАА-н үйлдвэрлэлд цаг агаарын нөлөөлөл :МАА-н үйлдвэрлэлд  мал оторлох, бод, бог мал төллөх, ямаа самнах  зэрэг  ажлууд үргэлжлэн явагдаж байна. Малын усан хангамж  нийт нутгаар сайн байна.

Тойм бичсэн: ХАА-н цаг уурын инженер Ж.Цагаанхүү

2017.05.12