Увс аймгийн зуншлагын байдал

Увс аймгийн зуншлагын байдал

2018.09сар

Температур хувьд: Агаарын температурын дундаж Өндөрхангай, Малчин, Өмнөговь, Зүүнхангай, Цагаанхайрхан сумдын нутгаар 15-19 градус, бусад нутгаар 20-24 градус дулаан ба ОЖД-тай харьцуулахад 6 дугаар сард нийт нутгаар ОЖД-аас 1,3-7,0 градусаар дулаан, 5 болон 7 дугаар сард ихэнхи нутагт ОЖД-аас орчим ба 1,4-4,1 градусаар дулаан, харин Өндөрхангай, Тэс,Завхан, Давст, , Цагаанхайрхан, Сагил, Ховд, Наранбулаг ОЖД-аас хүйтэн  байлаа.

            Их температур: Тэс, Улаангом, Завхан, Давст, Зүүнговь, Наранбулаг сумдын нутгаар 34-38 градус, бусад сумдын нутгаар 30-34 градус хүрч, нийт нутгаар 6 болон 7 дугаар сард  30 градусаас давж 6-16 хоног халсан байна.

            Хөрсний гадарга дээр өдөртөө  5 дугаар сард нийт нутгаар 50-58градус 6 болон 7 дугаар сард ихэнхи нутгаар 53-58 градус, тал хээр, говийн сумдын нутгаар 59-64 градус хүрч, хөрсний гадарга дээр 40 градусаас давж нийт нутгаар 6,7 дугаар сард 22-30 хоног халсан байна.

Хур тунадас: 5 дугаар сард ихэнхи нутгаар олон жилийн дундажийн орчим ба түүнээс бага, 6 сард нутгийн зүүн хэсгээр олон жилийн дунджаас ахиу, 7 сард ихэнх нутагт олон жилийн дунджийн орчим ба ахиу бороо орсон байна.

Салхи:  Салхины хурд 5-7 дугаар сард Завхан суманд 40м/с, Өндөрхангай,Малчин, Баруунтуруун, Өмнөговь суманд 25-27м/с хүрч аюултай үзэгдлийн хэмжээнд хүрсэн. Борооны өмнө зарим нутгаар салхи түр зуур ширүүсч 19 -22 м/с, бусад хугацаанд ихэнхи нутгаар 14-18 м/с салхилсан байлаа. 10 м/с ба түүнээс их салхитай байсан хоногийн ихэнхи сумдын нутгаар 5 дугаар сард  15-30 хоног салхилсан байлаа.  

Бэлчээрийн ургамал:

Энэ зун нутгийн бэлчээрийн ургамлын ургалт энэ жил ихэнх нутагт зуншлага оройтож гарсан ургамлын ургалт, гарц сайн байгаа ч бороо хур их орсон газраар шарилж, таана, хөмүүл зонхилсон тул  нийт нутгаар зуншлагын байдал сайн гарахад нөлөөлсөн байлаа.

6 дугаар сарын сүүл 7 дугаар сар гарсаар олон хоног  хур бороо ихтэй  тунадас нь газрын хөрсөнд чийг болж ургамлын ургалтанд нөлөөлөх нь тун тайтай байлаа. Агаарын температур  30-35 градус хүрч халав. Энэ хугацаанд хөрсөн дээр 59.0-64.0 градус хүрч  халсан  байна

Зуншлагийн байдал: 2018 оны 08 дугаар сарын 20-ны байдлаар Увс аймгийн нутгийн 90 орчим хувьд хэвийн сайн, 10 гаруй хувьд гандуу дунд зэрэг байна.

Хэвийн байсан газрууд:

Өндөрхангай, Тэс, Өлгий, Завхан, Зүүнхангай, Давст, Хяргас,  Бөхмөрөн, Зүүнговь, Баруунтуруун, Цагаанхайрхан, Малчин сумын нийт, Түргэн, Сагил, Өмнөговь, Ховд, Наранбулаг сумдын зарим нутаг.

            Гандуу байсан газрууд:

Тариалан, Улаангом  сумын ихэнх, Өмнөговь, Түргэн, Сагил, Наранбулаг сумдын  баруун болон говийн хэсэг орж байна.

Увс аймгийн Ус Цаг уур Орчны Шинжилгээний Төв

Хөдөө аж ахуйн цаг уурын салбар