Үер усны аюулаас сэрэмжлүүлэх

/Ойрын өдрүүдэд ихэнх нутгаар, дуу цахилгаантай усархаг бороотой/

            Увс аймгийн Хархираа, Түргэний, уулсаас усжих Намир, Шивэр, Түргэн, зэрэг жижиг голууд, Ханхөхийн уулсаас усжих Чигж, Баруунтуруун, Зүүнтуруун, Хангилцаг, Хариг голуудын усны түвшин нэмэгдэж 7 сарын 9-ний байдлаар Хархираа гол үерийн аюул түвшинд хүрч голын  ус эргээ хальж усны түвшин өмнөх өдрөөсөө 15см нэмэгдэж үерлэн Намир, Орлого, Элсэн, Түргэн, голууд үерийн түвшинд хүрч түвшин өмнөх өдрөөсөө 4 см нэмэгдэн үерлэж байна.Иймд орсон хур борооны эрчимшил хэмжээнээс хамаарч гол мөрний усны түвшин богино хугацаанд огцом нэмэгдэж, үерлэх магадлалтай ба орсон аадар бороо хуурай сайраар урсаж үeрлэж болзошгүй тул голын сав дагуу суурьшиж  зусаж буй малчид, тариаланчид, аж ахуйн нэгж, амралт зугаалгаар яваа албан байгууллага, ард иргэдийг үeр усны аюулаас болгоомжтой байж бага насны хүүхдийг хараа хяналтгүй орхихгүй байхыг онцгойлон анхааруулж доорх сэрэмжлүүлгийг хүргэж байна.
Үүнд:

• Ард иргэд цаг агаарын сэрэмжлүүлэх мэдээ, мэдээлэлтэй цаг тухай бүрд н танилцаж болзошгүй гэнтийн үер усны аюул, цаг агаарын аюулт үзэгдлээс урьдчилан сэргийлэх

• Гэр, хашаа, саравч, орон байраа гуу жалга, голын ойролцоо барьж суурьшихгүй байх.

• Бага насны хүүхдийг гол усны ойролцоо тоглуулахгүй байх, хүүхдэд тавих хараа, хяналтаа сайжруулах.

• Үерийн ус зайлуулах суваг шуудуу татах, далан хашлага барих зэргээр өөрийн болон бусдын амь нас , эрүүл мэнд, эд хөрөнгийг болзошгүй гамшиг ослоос урьдчилан сэргийлэх.

• Голын усны түвшин нэмэгдэж, үерийн байдалд шилжсэн үед гармаар зорчихгүй зориулалтын гарцтай газраар зорчих.

• Төв суурин газрын үерийн ус зайлуулах хоолойгоор ус чөлөөтэй урсах нөхцлийг бүрдүүлэхийг орон нутгийн холбогдох байгууллага анхааралдаа авч урьдчилан арга хэмжээ авахыг зөвлөж байна.

•Хол замд тээвэр хийж яваа жолооч нар баталгаат гүүр гармаар гарах.

• Мөн зайлшгүй шаардлагатай яаралтай үед аймгийн УЦУОШТөвийн 7045-3690, 9307-1575 утсаар холбогдож цаг агаарын мэдээ, мэдээлэл авч байх.

УВС АЙМАГ УС ЦАГ УУР ОРЧНЫ ШИНЖИЛГЭЭНИЙ ТӨВ УС СУДЛАЛ