сэрэмжлүүлэх мэдээ.4.11

Цаг агаар дулаарч урин дулаан цаг ирж байгаатай уялдаад:  2021 оны 4-р  сарын  11-ны байдлаар Увс аймгийн ихэнх гол, нуурын мөсний үзэгдэл эрчимтэй хайлж мөсний зузаан өмнөх арав хоногоос 10-15см нимгэрч байна.

Ус судлалын ажиглалтын хэсэгт:  Намир, Хяргас нуур мөсний үзэгдэлгүй, Чигж, Баруунтуруун  Хангилцаг голууд мөс харлах, усан зах,  мөсөн дээр устай, Хархираа Түргэний голууд мөс хөдлөх, мөсөн бүрхүүл, харзтай, Увс нуур мөсөн бүрхүүлтэй, усан зах, мөсөн дээрх ус, зэрэг үзэгдлүүд ажиглагдаж  байна.

 Иймд цаашид цаг агаар улам дулаарч гол, нуурын мөс, цөмрөх аюултай тул гол болон нуур дээгүүр зорчихгүй байх, мөн хайлсан цас мөс зэргээс шалтгаалан голын ус эргээ хальж, том жижиг, голын сайр, жалгаар шар усны үер гүйж голын дагуу нутаглаж буй ард иргэдэд аюул учирч болзошгүй тул, малчид голын эрэг, хөвөөнөөс зайдуу суурьшиж нүүдлэх, жолооч нар баталгаат гүүр гармаар гарах, мөн холбогдох байгууллага  голын  гуу,  жалга, шуудууг цэвэрлэж ус урсахад чөлөөтэй болгох, амьтны сэг зэмээр, цасны ус дамжин голруу орж, гол бохирдуулж  өвчин эмгэг, тархах аюултай тул зохих арга хэмжээг авч цаг алдалгүй цэвэрлэгээ устгал хийхийг зөвлөж байна.

2021 4.1  Чигж гол мөсөн дээр устай