Үер усны аюулаас сэрэмжлүүлэх мэдээ 7.11

                     Үер усны аюулаас сэрэмжлүүлэх мэдээ

/Баяр наадам,  амралтын өдрүүдээр түр зуурын дуу цахилгаантай, усархаг аадар бороо орно./

Увс аймгийн ус судлалын ажиглалтын хэсгүүдийн мэдээлэл :

Тариалан сумын Хархираа гол үертэй, түвшин-369см, үерийн түвшинг-39см давж үерлэж байна. Баруунтуруун, Чигж-Өндөрхөнгай, Өмнөговь-Намир, Түргэн-Шинэ-Түргэн, Цагаанхайрхан-Хангилцаг, Сагил-Хариг, харуулуудын голын түвшин их 182см-409см, өмнөх өдрүүдээс 1-2см нэмэгдэж,  энэ нь өмнөх оны түвшинтэй харьцуулхад усны түвшин 10-20см их байна.

Иймд голын сав дагуу зуншиж, нутаглаж буй малчид, жолооч нар, амралт зугаалгаар яваа ард иргэд, сонор сэрэмжтэй байхыг анхааруулж байна. Мөн  тухайн орсон хур борооны эрчимшил,  хэмжээнээс шалтгаалан, орсон  аадар бороо хуурай сай, гуу жалгаар урсаж голын усны түвшин огцом нэмэгдэж үeрлэж эргээ хальж үерлэх, уруйн үер гүйх аюултай, мөн гол, нийт уртын дагууд усны түвшин, гүн, харилцан адилгүй  байгаа тул доорх сэрэмжлүүлгийг хүргэж байна.

• Үер, усны аюулаас урьдчилан сэргийлэх тухай мэдээ мэдээлэл, дохиог хүлээн авсан даруйдаа бусдад дамжуулах, түгээх
•  
• Иргэд дугуйн доторх хаймар, усны сав, хийлдэг гудас, найдвар муутай   хөвөгч ашиглан үр хүүхэд болон, өөрсдөө гол нууранд орохгүй байх.

• Ард иргэд цаг агаарын сэрэмжлүүлэх мэдээ, мэдээлэлтэй цаг тухай  бүрд нь танилцаж болзошгүй гэнтийн үер усны аюул, цаг агаарын аюулт үзэгдлээс урьдчилан сэргийлэх

• Голын усны түвшин нэмэгдэж, үерийн байдалд шилжсэн үед  зориулалтын гүүр гармаар зорчих.
• Хүүхдийг хараа хяналтгүйгээр орхилгүй, гол мөрөн, нуур, тогтоол усны  орчимд тоглуулахгүй байх,

• Амралт, аялал, зугаалгаар явахдаа усны ойролцоо амарч зугаалахгүй байх, нэгдсэн зохион байгуулалттай явах

•  
• Согтууруулах ундаа хэрэглэсэн үедээ гол, нуурын усанд орохгүй байх,
• Баталгаагүй зам, гүүрээр зорчихгүй байх,