Улаангом хотын агаарын чанарын 10 хоногийн тойм

Улаангом хотын агаарын чанарын тойм

/2020 оны 01-р сарын 02-оос 01 сарын 16-ний өдрийг хүртэлх 10 хоногт/

Улаангом хотын агаарт түгээмэл бохирдуулах бодис хүхэрлэг хий /SO₂/, азотын давхар исэл /NO₂/, тоосонцор /РМ2.5, РМ10, нийт тоос/-ын агууламжийг тодорхойллоо.

Өнгөрсөн 10 хоногийн агаарын чанарын Улаангом 01 харуулын хяналт шинжилгээний дүнгээс үзэхэд : Агаар дахь хүхэрлэг хийн дундаж агууламж 11 мкг/м³, хамгийн их нь 55 мкг/м³, азотын давхар ислийн дундаж агууламж 27 мкг/м³, хамгийн их нь 39 мкг/м³, агаарын чанарын стандартаас хэтрээгүй хэвийн хэмжээнд байлаа.

РМ2.5, РМ10 микрометр болон нийт тоосонцорын хэмжилтийг энэ 10 хоногт 24 цагаар 3 удаа хийсэн. Хэмжилтийн дүнгээс үзвэл: РМ2.5 тоосонцорын  дундаж агууламж 95 мкг/м³, их агууламж нь 106 мкг/м³,  РМ10 тоосонцорын  дундаж агууламж 109 мкг/м³, их агууламж нь 125 мкг/м³, нийт тоосонцорын  дундаж агууламж 104 мкг/м³, их агууламж нь 132 мкг/м³ байлаа. Агаарын чанарын стандарттай харьцуулж үзэхэд ажиглалтын хугацаанд РМ2.5 тоосонцор 1.6-2 дахин, РМ10 тоосонцор 1.1-1.2 дахин давсан байна. 

Тойм бичсэн УЦУОШТ-ийн Байгаль орчны шинжилгээний лабораторийн эрхлэгч Г.Оюунчимэг